Kortreiste friluftslivsopplevingar som gjev mestring, undring og ro — tilpassa heile familien, store og små, supersprek og ikkje fullt så sprek.
Vi ønskjer å tilrettelegge for at heile familien — små og store, supersprek og ikkje fullt så sprek — skal oppleve mestring og livsglede i det enkle friluftslivet. Naturen rundt Gloppefjorden er ei unik ramme for akkurat dette.
Ungdomane (dei som byrjar på ungdomsskulen og oppover) får eit eige tilrettelagt opplegg, slik at dei får vere — ja, ungdomar. Opplegget deira tangerer resten av oss ved fleire turar, så det er ikkje slik at vi ikkje skal sjå dei.
Tilrettelagd for familiar med born i alle aldrar
Eige opplegg med klatring, sykling og meir
Kort og lang rute kvar dag — du vel sjølv
Alle turar har eigne erfarne turleiarar
Alle dagane kan du velje om du vil gå kort eller langt. Nokre turar er vêravhengige — vi informerer alltid i god tid dersom planen endrar seg.
Eggenipa er vår eigen lille Besseggen! Her kan vi gå til topps og fortsetje inn ryggen og kome ned i Øvredalen. Eller du kan vente i dalen med nista, fiskestanga og triveleg folk.
Oppstiginga til Eggenipa er bratt og krevjande — dette er ein lang tur for dei som vil ha det. For dei som vil nyte vatnet, naturen og støylslandskapet, går vi berre litt inn i Øvredalen og etablerer leir.
Hugs: Fiskestang og badetøy. Om du vil gå på Eggenipa, ta med litt ekstra mat. Fiskekort kan kjøpast på nett.
Den kortaste turen på årets leir! Vi prøver oss på eit prestisjeladd elvebåtrace. Kort og fin sti frå parkeringa og opp til Åsebøvatnet, der vi etablerer leir med bål og stor kaffekjele.
For dei som vil gå lengre, kan ein gå heile vegen tilbake til Nordfjord Folkehøgskule over Haugsvarden.
Hugs: Utstyr til å pynte elvebåten din! Fiskestang. Badetøy. Om du vil sykle heim — ta med sykkelen.
Ein dag til fri bruk! Fotballturnering med misjonsfokus denne dagen. Elles er det opp til deg — utforsk skulen og nærområdet, kvil, fisk, sym eller leik.
Trivselsskolen og TIN-campen
Flott turområde med tuftepark og fosseteater i nærleiken.
Gloppestadfjøra
Flott badeplass og friluftsområde ved fjorden.
Vi parkerer ved Austrheimstøylen og går 300 m mot elva før vi finn oss ein plass til bål og nistepakke. Der vert det elvebåtrace og leiker. Dei som vil, kan gå på Svinestranda — ein topptur på 500 høgdemeter.
Det er òg fint å kome ned att via Trivselsskogen.
Merk: Parkeringa er krevjande for mange bilar — parker systematisk og tett. Ta med nok kle; det kan bli regn.
Nokre av turane er vêravhengige. Ved dårlege vêrforhold endrar vi anten rekkefølga på turopplegget, eller skiftar ut turen heilt. Du får alltid beskjed i god tid.
Vi har ferdig avtalte reserveplaner med flerbrukshall, klatrevegg og eit vakkert tilrettelagt turområde med TIN-camp, tuftepark og fosseteater.
Skulen har kajakkar og stisyklar som vi nyttar i fellesturar der det er mogleg. Evt. ønske om eige bruk utover dette må avtalast på skulen.